Træ vindeygu og hurðar
Dygdargott og haldført
H-vindeyga úr træ er okkara klassikari. Í meira enn eina hálva øld hava vit framleitt og ment okkara væl kenda og haldføra trævindeyga, eisini kallað ‘Husmor-vindeygað’. Vit nýta eina serstaka rotviðgerð, sum tryggjar, at okkara trævindeygu klára tey krevjandi føroysku veðurlíkindi og fáa eina longri livitíð.
Okkara træ kemur frá okkara góðkenda veitara, ið tryggjar, at bert burðardygg rávøra verður nýtt í framleiðsluni. Vindeyguni hava staðið sína roynd í húsum kring alt Føroya land og fáast í nógvum sníðum, øllum litum og nú við orkusparandi glasi.
Træ
H-vindeyga úr træ er okkara klassikari. Í meiri enn eina hálva øld hava vit framleitt og ment okkara væl kenda og haldføra trævindeyga, eisini kallað ´Husmor-vindeygað´.
Vindeyguni hava staðið sína roynd í húsum kring alt Føroya land og fáast í nógvum sniðum, øllum litum og nú við orkusparandi glasi.
Snið
At velja vindeygu til húsini er ein týdningarmikil avgerð. Tú vilt sjálvandi hava sniðið, sum klæðir tínum húsum best. Her er talan um eina heildarmeting av vindeygum og húsum. Støða skal eisini takast til, hvussu vindeygað skal latast upp, ella um tú vilt hava fastan karm. H-vindeyguni úr træ og træ/alu verða framleidd við føstum karmi ella at lata upp.
Alskyns litir
Tað hevur stóran týdning fyri heildarmyndina av húsunum, hvønn lit tú velur til vindeyguni og hurðarnar.
Tú kanst fáa tann lit, tú sjálv/ur heldur hóskar best til júst tíni hús. Tað ber til at fáa ein lit innan og ein annan uttan.
Málað vindeygu
Tú sparir nógva tíð og orku, um tú keypir málað vindeygu. Vit sproyta málingina á, eftir at timbrið er liðugt tilevnað, og áðrenn besløg, listar og glas verða ísett.
Tað verður sostatt málað allastaðni, har tað skal málast, og ongastaðni, har tað ikki skal málast. Haraftrat er grundarin ein soppadrepandi løgur, sum leingir livitíðina hjá vindeyganum.
Vindeygu til allan tørv
Fyri at tryggja tær røttu vindeyguni til heimið, verða trævindeygu og træ-aluvindeygu framleidd í júst tí máti og sniði, tær tørvar. Sama um talan er um topphongd, toppsving, síðuhongd ella við føstum karmi, við sprossum ella uttan. Við toppsvingi kann vindeyga vendast og útsíðan vaskast innanífrá. Hesir ymisku eginleikarnir kunnu saktans samskipast í somu húsum og enntá í sama karmi.
Toppsving
Fastur karmur
Síðuhongt
Topphongt
Sersnið
Træ av hægstu góðsku
Tá ið tú velur trævindeygu frá GRANT, fært tú ikki bara eitt vakurt og snøgt produkt – tú fært eisini trygdina fyri, at tað er framleitt úr rávørum av hægstu góðsku. Vit samstarva við Moelven Wood, ein av leiðandi veitarunum í Norðurlondum innan træ. Moelven hevur meira enn 120 ára royndir og framleiðir FSC®- og PEFC®-certificerað træ, sum tryggjar, at allar rávørur koma úr burðardyggum og væl røktum skógum.
Hetta er ikki ein sjálvfylgja – vit hava valt hetta træið júst vegna hægsta møguliga góðsku, har serliga rotviðgerðin og stabiliseringin tryggjar, at træið verður standandi vakurt og haldført í áratíggju, sjálvt í føroyska veðurlagnum. Harafturat eru allar okkara vindeyga og hurðar framleiddar við rotviðgerð við TEKNOL S 6005-00, sum verður nýtt til at verja træið ímóti bæði svampi og rot, ið annars kunnu minka um haldførið hjá øðrum træframleiðslum.
Tað er ikki vist, at øll merkini á marknaðinum hava sama fokus á dygd og haldføri. Summir framleiðarar velja ofta bíligari rávørur, ið ikki klára somu hágóðsku certificeringar um burðurdygd og góðskukrøv, og tað merkir, at teirra vindeygu og hurðar hava eitt styttri lív og krevja meira viðlíkahald. Hetta er nakað, ið vit hava arbeitt við at optimera í okkara framleiðslu í fleiri áratíggju, har vit saman við Moelven hava tryggjað, at tú fært tað mest haldføra og burðardyggja træið á marknaðinum.
Certificeringar og burðardyggleiki
Við FSC® og PEFC® certificeringum frá Moelven er tú tryggjað, at okkara træ kemur úr burðardyggum skógbrúkum, og at alt fer fram við virðing fyri náttúruni. Við at velja GRANT fært tú eitt produkt, sum ikki bara er vakurt og haldført, men eisini burðardygt, og tú kanst við góðari samvitsku seta tað í títt heim.
Okkara vindeygy standa í nøkrum at allarmest avbjóðandi umhvørum í heimum og tí velja vit undirveitarar sum vit hava álit á. Moelven er kendufyri at framleiða nakað av tí besta trænum í heiminum, og tað er tað, ið setir okkara vindeygu og hurðar fram um kappingarneytarnar.
Set tykkum í samband við okkum fyri at vita meira um, hví træ frá GRANT er tað besta valið til títt heim ella títt projekt.
Certificerað rotviðgerð
– trygd fyri langa livitíð
Okkara vindeygu fara ígjøgnum eina nágreiniliga rotviðgerð við loysnunum frá Teknos, sum er kendur fyri at vera leiðandi innan viðgerðir til trævindeygu. Okkara rotviðgerð er certificerað við hægstu góðskustandardum og er prógvað at verja ímóti roti í yvir 12 ár. Hetta gevur tær sum kundi eitt trygt val, tí tú veitst, at tíni vindeygu eru verandi sterk í nógv ár.
Ikki øll merkir brúka somu góðsku
Tá tú velur vindeygu, kanst tú ikki altíð vera vísur í, at onnur merkir nýta líka dygdargóða rotviðgerð. Nógv merkir velja at spara, serliga tá tað kemur til rotviðgerð og endaligu málingina. Hetta merkir, at vindeyguni kunnu byrja at vísa tekin um sliti longu eftir fáum árum. Við GRANT kanst tú vera vísur í, at vit nýta bert royndar og góðkendar skipanir frá Teknos, sum eru testaðar og góðkendar eftir strongastu krøvum í samstarvi við Vinduindustrien.
Sprossar
Vilt tú býta vindeyga upp í smærri eindir, ber til at seta sprossar ella postar í. Tað er týdningarmikið at hugsa um heildarmyndina av húsunum, tá tú gert av, hvussu nógvar sprossar ella postar tú vilt hava, og hvar teir skulu vera. Tað kann t.d. vera óheppið at seta ein sprossa í vindeygað beint í eygnahædd, soleiðis at útsýnið verður skert. Sprossar hóska vanliga væl til eldri hús ella hús í gomlum stíli.
Eitt vindeyga er bygt upp soleiðis, at karmurin er uttast. Er talan um eitt vindeyga, sum ikki kann latast upp, kalla vit tað eitt vindeyga við føstum karmi. Í karmin ber til at seta loddrættar ella vatnrættar postar, sum styrkja væl um vindeygað. Hesir postar fáast í breiddunum 68 mm og 78 mm.
Skal vindeygað kunna latast upp, verður ein ramma sett inn í karmin. Í rammuna ber til at seta sprossar. Vit hava bæði gjøgnumgangandi sprossar og áklipsaðar sprossar. Teir gjøgnumgangandi sprossarnir eru 47 og 68 mm breiðir. Klips-sprossar fáast í 28 mm, 45mm og 65 mm. Haraftrat fáast trævindeyguni við serligum sprossum, sum eru ímillum rútarnar, soleiðis at glasflatan uttan og innan er sløtt.
Fevnd av 12 ára trygdini, sum vit veita øllum okkara viðskiftafólkum
Síðan tíðliga í 60unum hava trævindeyguni verið framleidd á virki okkara í Vatnsoyrum.
Framleiðslan er lagað til eftirspurningin ígjøgnum árini, og í dag er størsti parturin sergjørd vindeygu í serligum sniðum, ið ikki fáast aðrastaðni.
GRANT trævindeygu roynast framúr væl í føroyska veðurlagnum.
Fleiri av okkara vindeygum, sum enn verða brúkt, eru eldri enn 40 ár.
Glas
Vit eru serfrøðingar í glasi og kunnu veita serloysnir frá smærri rútum upp í risa rútar.
Sløgini eru mong og hevur tú spurningar ella okkurt serligt ynski, er bara at spyrja.
Glas og bjálving
GRANT livir upp til tíðarhóskandi krøv um bjálving og orkunýtslu.
Øll okkara vindeygu eru framleidd við orkusparandi trý-lags glasi.
Til ber at velja tvey-lags glas til timbur.
Sóltálmandi glas
Sólin í Føroyum er sterkt, serlig har góður sólargangur er, kann tað lættliga gerast ov heitt og ov ljóst inni, bæði fyri fólk og innbúgv.
Sóltálmandi glas eru rútar, sum antin kasta sólstrálurnar frá sær ella taka tær í seg.
Hetta fæst í ymiskum stigum og styrkjum.
Samstarv við lokala og altjóða førandi glasveitarar
Hjá Grant leggja vit stóran dent á at veita dygdarvørur til føroysku umstøðurnar. Tí samstarva vit við Atlanticpane, sum er okkara høvuðsveitari av glasi. Við teirra framleiðslu í Kollafirði kunnu vit tryggja, at okkara vindeygu og hurðar fáa lokalframleitt glas, ið er serliga ætlað at klára føroyska veðurlagið við hørðum vindi, regni og kulda. Atlanticpane tryggjar okkum skjótar og álitandi veitingar við teirra regluligu viku til viku tænastu, og tey hava verið ein trúfastur og álítandi samstarvsfelagi í nógv ár.
Um kundin hevur serlig ynskir ella krøv, samstarva vit eisini við danska glasveitaran Glaseksperten. Við teirra serfrøði innan serglas kunnu vit bjóða loysnir til serligar verkætlanir og heilt serstøk byggiarbeiði. Glaseksperten veitir dygdarglas, sum møtir hægstu standardum og krøvum, og hetta ger tað møguligt at tillaga loysnirnar til tørvin hjá tí einstaka kundanum og tí einstøku byggiverkætlanini.
Ljóðdoyvandi glas
Ljóðdoyvandi glas brýtur og doyvir ljóðbylgjur, tí glastjúgtin er ymisk á innara og ytra glasinum. Henda loysnin hóskar seg væl, um tú t.d. býrt tætt við ein høvuðsveg ella annað óljóð.
Trygdarglas
Trygdarglas hevur somu brotstyrki sum ”vanligt” glas, men hongur saman í límingini, so tú ikki skert teg av tí – júst sum í bilrútum. Trygdarglas kann eisini vera hert glas, sum hevur høga brotstyrki. Hesar loysnir hóska væl til vindeygu og hurðar, har rúturin t.d. fer heilt niður á gólv, ella har tað er ábært til illveður.
Ymisk yvirflata
Ymisk rágløs verða vanliga nýtt í t.d. vesivindeygum, har tað ikki skal síggjast inn, men har ljós kortini skal sleppa.
Vit hava ymisk sløg av rágløsum, sum verða sett í okkara vanligu termovindeygu og hurðar. Sí dømir niðanfyri.
Oceanic 528
Abstrakt
Kura
Spegltráglas
Mattráglas
Pelz
Etza
Eyka tilhoyr
Ventilar
Vindeyguni kunnu verða framleidd við ventilum í karminum, um tú vilt tað. Hesir kunnu latast upp og aftur eftir tørvi. Hetta er tó vanliga ikki neyðugt í húsum, har luftskiftið er gott.
Flugunet
Til ber at fáa flugunet sett á vindeygarammuna, um tú hevur tørv á tí. Hetta verður vanliga brúkt til matvøruvirkir ella matstovur, har tørvur er á at lufta út, samstundis sum smákykt og dust ikki sleppur inn.
Stormskinnarar
Vit selja eisini stormskinnarar, sum kunnu festast uttan á vindeygakarmin. Tað verður brúkt, um tú hevur tørv á at seta eina plátu fyri vindeyga, áðrenn illveður brestur á.
Smyrjiolja og vindeygavask
Til viðlíkahald av vindeygum og hurðum selja vit góða smyrjiolju at til liðiligar deilir. Eisini selja vit vindeygavask til plast, gummilistar og til rútin.
Altanhurðar
Vit framleiða dygdargóðar altanhurðar úr timbri. Hesar verða framleiddar, viðgjørdar og málaðar eftir somu neyvu forskriftum sum timburvindeyguni.
Møguleikarnir eru stórt sæð teir somu sum hjá vindeygunum. Tú fært sniðið og litin, tú ynskir – við sprossum ella uttan, málað ella ómálað frá verkstaðnum, og tú kanst velja gløs av ymsum slagi. Aluklædningur kann eisini setast á útsíðuna á altanhurðini.
Snið eftir egnum ynski
Møguleikarnir eru stórt sæð teir somu, sum við timburvindeygunum.
Tú kanst fáa tað snið tú vilt, við sprossumog tú kanst velja gløs av ymiskum slagi.
Aluklædningur kann eisini setast á útsíðuna á altanhurðini.
12 ára garanti
Okkara vørur hava staðið sína roynd í húsum kring alt Føroya land, tískil fært tú eitt longri garanti frá okkum, enn tú kanst vænta aðrastaðni.
Fá tilboð
Vit geva fegin tilboð.
Tú sendur okkum informatión um hvørja vøru, talan er um, mát og aðrar detaljur, so venda vit aftur við einum óbindandi tilboð.
Vinaliga svara spurningunum so neyvt sum gjørligt.
Vindeygu til tín tørv
Fyri at tú kanst fáa røttu vindeyguni til heimið, verða Grant vindeygu framleidd í júst tí máti og sniði, tú vilt hava. Sama um talan er um toppsving, topphongd, síðuhongd, drej/kip ella við føstum karmi – og við sprossum ella ikki.
Fleiri av okkara kundum vilja hava ymsar loysnir í sama húsi. Ymiskir eginleikar kunnu saktans samskipast í somu húsum og enntá í sama karmi.
